Press "Enter" to skip to content

Како Битола ќе го прослави на Денот на ослободувањето на градот

Со низа активности и манистации во организација на Општина Битола и градоначалничката Наташа Петровска,  Битола ќе го прослави денот на ослободувањето на градот  4-ти Ноември.

Прославата, денес, ќе започне со традиционален концерт на пензионерската пејачка група “Сирма Војвода“, а ќе продолжи со конференција во организација на Младинскиот културен центар од Битола, насловена како “Европска недела на Претриемништво“. Денес  последна активност е кугларскиот турнир во организација на КК “Хераклеја“.

 

Утре, петок, ќе се одржат две традиционални манифестации: ликовната изложба на ДЛУБ и ноќната атлетска трка.

В сабота, на денот на ослободувањето, 4 ноември, најпрво градоначалничката Наташа Петровска ќе ги прими претставниците на Сојузот на борци од Битола, а оттаму сите ќе замимат на полагање на цвеќе на спомениците кај Центарот за култура, споменикот на Стив Наумов и на Партизанските гробишта.

Во рамките на прославата ќе има и два спортски настани, турнир во шах за слепи лица и летачки активности со параглајдер од  Пелистер.

Потоа ќе има прием на делагации од градовите Плевен од Бугарија и Стари град Београд  од Србија.

Вечерта настаните се продолжуваат во Народниот театар каде ќе се одржи Свечената академија по повод празникот и ќе бидат доделени наградите 4-ти Ноември, за животно дело и за едногодишни остварувања. Претходно во фоајето на Театарот ќе се отвори изложбата на слики донирани на Општина Битола од страна Малиот битолски монмартр.

С. Ристевски

Be First to Comment

Напишете коментар

Вашата адреса за е-пошта нема да биде објавена. Задолжителните полиња се означени со *

Mission News Theme by Compete Themes.