Press "Enter" to skip to content

Васко Ковачевски, избран за претседател на ракометниот клуб Пелистер

На првата седница на новиот Управен одбор на ракометниот клуб Пелистер, кој се одржа вечерва, за нов претседател е избран Васко Ковачевски, пратеник во Македонскиот парламент.

Во телефонскиот разговор Ковачевски ја потврди одлуката на Управниот одбор и најави дека идната седмица, најверојатно во среда, ќе се одржи прес-конференција на која тој и неговиот тим кој ќе го води клубот, ќе ги соопштат плановите и амбициите на ракометниот клуб Пелистер.

Во тимот на Ковачевски ќе бидат уште: Сашо Шамбевски – извршен директор, Борче Корлевски – технички директор и Сашо Јанкуловски – секретар на клубот.

За нов спортски директор е назначен Златко Димитровски, поранешен ракометар на Пелистер.

За технички секретар е назначена Ана Трифуновска.