Press "Enter" to skip to content

Виктор Ивановски член на Извршниот одбор на Џудо федерацијата на Македонија

На последното изборно Собрание на Џудо федерација на Македонија, на кое што се одржа деновиве се избираше нов претседател, извршен и надзорен одбор кои ќе раководат со федерација во наредните четири години.

За нов претседател на Џудо федерацијата на Македонија е избран битолчанецот Филип Иванов, кој сега живее и работи во Скопје. Иванов своето џудо знаење го има стекнато во џудо клубот Пелистер, а бил ученик на џудо мајсторот Ѓуро Илиќ.

Ѓуро Илиќ и новиот претседател Филип Иванов (во средината)

Собранието на кое имаше двајца делегати од џудо клубот Пелистер, Виктор Ивановски и Петар Ристевски, едногласно за нов член на Извршниот одбор го избра нашиот сограѓанин Виктор Ивановски.

-Како долгогодишен член на Џудо клубот „Пелистер“ од Битола и активен џудист е вклучен во многу процеси од развојот на џудо спортот, преку најразлични теоретски и практични обуки, како и учество на голем број семинари и натпревари. Сето ова и понатаму ја докажува активноста и професионалноста на џудо клубот „Пелистер“ од Битола, кој и понатаму продолжува со мотивирана и напорна работа и заедно со Џудо федерацијата придонесуваат кон развојот на џудо спортот во Македонија“, ни рече Ѓуро Илиќ од џудо клубот Пелистер, и нагласи дека започнува подмадувањето на џудо федерацијата на Македонија.

Виктор Ивановски и Ѓуро Илиќ

За изборот во Извршниот одбор, Виктор Ивановски, рече:

-Ми претставува посебна чест прво што бев предложен од мојот џудо клуб Пелистер , а потоа што бев избран за член на Извршниот одбор на Џудо федерацијата на Македонија. Ќе се трудам сите предлози и батања од мојот клуб да бидат разгледани во Федерацијата, а секако дека со останатите членови ќе работам на развој на џудо клубот Пелистер, кој има голема традиција, а од нашите редови е и претседателот на Федерацијата, Филип Иванов.

На изборното собрание е одлучено “Дан комисијата“ во наредниот период да ја води Ѓуро Илиќ, како нејзин претседател.

Џудо клубот Пелистер до џудо федерацијата на Македонија има предложено уште двајца свои членови, Златко Кочовски и Ромео Рајков, кои во наредната седница на Извршниот одбор ќе бидат вклучени во работните тела на Федерацијата.

Be First to Comment

Напишете коментар

Вашата адреса за е-пошта нема да биде објавена. Задолжителните полиња се означени со *

Mission News Theme by Compete Themes.