Возачите кои со автомобилите поминуваат по мостот на реката Драгор на излезот од Битола, кај Довлеџик, поточно кај црквата “Св. Архангел“ поради внимателност не погледнуваат лево-десно, но оние кои поминуваат пешки погледнуваат. И имаат што да видат, од левата страна на патот, кога се излегува од Битола, реката, односно коритото имаат ново лице.
-Некој поединец или фирма или институција го исчистил од сите дрвја, корови, големи и мали отпадоци, коритото на реката Драгот. Поради обраснатоста со високи дрвја некои, посебно помладите, немаа абер дека тука поминува реката Драгор, а беа во право, бидејќи не се гледаше дека тука под мостот има вода-река. Сега е ситуацијата е друга, убаво се гледа дека тука поминува Драгорот, а коритото на реката личи на нешто. Не знам кој го исчистил коритото на Драгорот, да бидам искрен ниту прашав, а многу се израдував. Немав поминато тука долго време, а кога пред некое време како е средено едно запуштено место, ми ја врати надежта дека можеме се да уредиме и да ни биде поубаво, ни рече повозрасен планинар, кој тука поминува кога во зимско и ладно време пешачи кон Снегово, а ни се обрати додека го фотографиравме “новото лице“ на Драгорот.
Без да кажеме кој и како го исчистил коритото на Драгот кај мостот кај “Св. Арангел“ бидејќи не разбравме, да му упатиме јавна благодарност за реализирање на иницијативата, а тоа да биде поттик за други тоа да го направат и на други места, на радост на сите битолчани.