Press "Enter" to skip to content

Вечерва “Коцкар“ од Достоевски, прва премиера на народниот театар во оваа година

Вечерва на големата сцена на народниот театар во Битола, ќе биде прикажана претставата „Коцкар“ од Фјодор Михајлович Достоевски, во режија на Дејан Пројковски, а воедно оваа премиера ќе биде прва во оваа календарска година.

Во оваа прва премиера на сцената ќе се појават 14 актери од сите генерации, а меѓу нив и Јоана Поповска, доајен на македонското глумиште.

– Актерскиот потенцијал за оваа претстава е искористен до максимум и тоа ја прави таа да биде многу силна. Ние, актерите имаме можност да го прикажеме тоа за што досега немавме можност и кое можеби беше заради различен концепт и принципи на подготовка на претстава, рече актерот Огнен Дранговски кој ја толкува главната улога, Алексеј Иванович.

– Претставата е жестока, а жестокоста ја прават големите и малите улоги во претставата. Во два и пол часовната претстава, на публиката ќе и биде прикажано нашето гледање на „Коцкар“ од Достоевски. Можеби е добро што претставата е направена во Битола бидејќи денес, во градот се повеќе има коцкарници и дека се повеќе млади луѓе заглавуваат во своите животи трагајќи по еден одреден адреналински шок. Претставата е актуелна и нуди важни пораки, нагласи актерката Чоревска.

Сценографијата е на Валентин Светозарев, сценските движења Олга Панго, костимограф е Благој Мицевски, а композитор Горан Трајковски.

More from КултураMore posts in Култура »