Во тешка сообраќајна несреќа што се случи на регионалниот пат Битола- Демир Хисар, на излезот кај селото Лисолај, во 10 часот и 10 минути, едно лице загина кое се наоѓало на тракторот како совозач.
Од СВР-Битола ја потврдија информацијата дека сообраќајката настанала при судир на камион и трактор и оти загинал совозачот кој се наоѓал во тракторот.
Сообраќајот на регионалниот пат Битола- Демир Хисар, на излезот кај селото Лисолај е во прекин, а екипи на СВР-Битола и други надлежни институции вршат увид и ги утврдуваат причините за сообраќајната несреќа.
