Иако седеа на трибините не сакајќи да предизвикаат големо внимание сепак нашиот фото објектив ги регистрира неколкуте битолски ракометни легенди како го гледаат денешниот натпревар на Пелистер.
Станува збор за Слододан Николиќ, Пепи Манасков и Абдула Јосифовски кои заедно како пред три децении беа во салата “Младост“, сега “Боро Чурлевски“, но сега наместо во големи битки за бодови и пласмани, само како гледачи.
Иако двајца од нив не се од Битола, Манасков и Николиќ, сепак битолските љубители на ракометот ги доживуваат како битолски ракометни легенди.
Зад нив беа некогашните тренери Чатле и Иван, тука беше и Стевче Стефановски голманска битолска легенда, а во нивното присуство уживаа неколкумина млади, претпоставуваме идни ракометари на Пелистер.
С.Р.
