По повод Христовото раѓање денеска на пладне во Битола, по Широк Сокак, се одржа Бадниковата поворка на која учество зедоа околу 600 деца, а во поворката беа и нивните родители, комшии, пријатели…И покрај минусните температури, и студеното време учество зедоа над 600 деца кои во текот на поворката од Офицерски до Саатот и во црквата “Св. Димитрија“ цело време на цел глас ја пееја песната “Вечниот бог“.Потоа сите дечиња беа во црквата “Св. Димитрија“ каде беседа за Божик им одржа владиката Петар.-Големиот број на деца и нивни родители кој го наполнија овој храм во голем број според мене не е дел од некој нов, обичај, туку ја прикажува вербата во Бога и прославата на Божик, им порача Владиката Петар.Потоа владиката Петар им ги подели бадниковите пакетчиња на сите учесници на Бадниковата поворка, а на влезот во црквата добија и бадникови гранчиња.
Најзаслужните за организирање на оваа “Бадникова поворка“, Јасна Николовска и Кире Божиновски не ја криеја радоста од тоа што на поворката имаше толку дечиња и дека нив улиците на Битола се возобнови оваа убава традиција, Бадниковата поворка и пеењето на песната “Вечниот бог“.