Press "Enter" to skip to content

Запалени традиционални  Василичарски огнови низ општина Новаци

Православните христијани денеска ја слават Василица. Народот ја слави како Стара Нова  година во чест на светецот Василиј  но и како обрежување на Исус Хистос. Во секое маало граѓаните  со големи огнови  кои се симбол на божествената светлина  ги прогонуваат лошите  сили и ја испраќаат старата година.

Бројни маала низ општина Новаци  синоќа традиционално ги запалија василичарските огнови околу кои во весело расположение, со греана ракија, вино и скара се прослваи Стара Нова година и Василица.

Градоначалникот Љубе Кузманоски  ја прослави Василица  со своите сограѓани. Ги посети големите  маалски василичарски огнови  од каде испрати порака  да се негува традицијата и обичаите и да се пренесуваат  на идните поколенија.

-Овие празници како дел од нашата традиција  ни даваат можност  да се собериме сите заедно на едно место , на едно огниште кое симболизира заедништво, единство и сите заедно да ги одбележиме традиционалните вредности кои всушност  си и белег на нашето постоење. Ова зедништво  ги зајакнува меѓусебните  врски во нашата локална заедница. Дружењето со соседите , пријателите , блискоста меѓу младите  дава посебно чувство на среќа , задоволство и исполнетост  Да си подаваме рака, да се помируваме, да бидеме единствени и сплотени не само на ваквите празници туку тоа да ни биде секојдневие.

-На сите граѓани на општина Новаци  и на сите православни верници им ја честитам Стара Нова година и Василица со желби за здравје, среќа и бериќет, додаде  истакна градоначалникот Кузманоски

Be First to Comment

Напишете коментар

Вашата адреса за е-пошта нема да биде објавена. Задолжителните полиња се означени со *

Mission News Theme by Compete Themes.