Press "Enter" to skip to content

Општина Новаци домаќин на делегација од збратимената општина Дуги Рат од Хрватска

Во кабинетот на градоначалникот на општина Новаци беше организиран прием за делегација од збратимената општина Дуги Рат од Хрватска предводена од градоначалникот Јерко Роглиќ. Со оваа хрватска општина, општина Новаци е збратимена од 2013-та година и веќе 6 години се остваруваат вакви средби кои се важен чекор за зацврстување на заедничката соработка.

На средбата беше укажано на потребата од понатамошно унапредување на соработката и нејзино насочување кон одредени дејности. Пред се, унапредување на културната и размената на образовните институции, но и поголемо поврзување на бизнис заедницата.Двајцата градоначалници со претставниците од советите и надлежните одделенија од општините разговараа за своите досегашни искуства и предизвиците со кои се соочуваат во своите општини и изразија желба за продлабочување и конкретизирање на меѓусебната соработка на повисоко ниво во насока на искористување на европските фондови, можноста за инвестирање, работење на заеднички проекти итн.

-Двете општини како долгогодишни пријатели, треба да воспоставиме поблиска соработка и на полето на ЛЕР и на економијата.Наша обврска е да ги воспоставиме врските меѓу бизнис заедниците, а тие понатаму ќе ја трасираат својата соработка. Општина Новаци и општина Дуги Рат имаат големи потенцијали за развој, а соработката со Дуги Рат која се одржува веќе 6 години значи дека бизнисмените оттаму може лесно да остварат контакти со овдешните стопанственици. Како збратимени општини покажавме дека без разлика на оддалеченоста се почитуваме, заеднички придонесуваме во приближувањето на општините и имаме многу заеднички потреби. Затоа и многу повеќе внимание треба да посветиме на конкретизирање на нашата соработка, истакна градоначалникот Љубе Кузманоски.

Be First to Comment

Напишете коментар

Вашата адреса за е-пошта нема да биде објавена. Задолжителните полиња се означени со *

Mission News Theme by Compete Themes.