Битолскиот супер лигаш се подготвува за неделниот ракометен натпревар од ЕХФ купот, кога Еурофарм Работник ја пречекува екипата на Татабања од Унгарија.
Подготовките се одвиваат забрзано е вчера беше поставена “герфлор“ подлогата над паркетот на теренот во спортската сала, а според строгите правила на ЕХФ ќе се подготвуваат и останатите простории каде ќе престојуваат ракометарите и официјалните лица.
Најверојатно во малата сала во спортската сала ќе биде прес-центарот опремен според стандардите на ЕХФ, а таму ќе биде и просторот каде ќе бидат пречекани гостите и официјалните и официјалните лица.
Вчера попладне ги забележавме и четирите “огнени топови“ кои ќе ја затоплуваат салата во недела.
За акредитациите на новинарите, фоторепортерите и снимателите е објавена е-маил адреса каде до петок треба сите новинарски куќи да обратат, а веќе на три продажни места во Битола се продаваат влезниците за неделниот натпревар.
За денес е закажана и првата прес-конференција на Еурофарм Работник за првиот домашен натпревар од групната фаза на ЕХФ купот.
