Заводот и музеј од Битола денес соопшти дека по кратко боледување почина Никола Ивановски, музејски работник во пензија.
Никола Ивановски е еден од основачите на Националната установа Завод и музеј Битола, а на чие чело беше од 1980 год. до 1999 година. Покрај раководвото место Ивановски беше и носител на многу активности кои продонесоа за развој на Заводот и Музеј од Битола.
Ивановски помладите колеги го почитуваа како човек кој им пренесол многу музејки работи и бил пример за нивната работа.
Никола Ивановски по пензионирањето беше активен во Сојузот на борци од Битола, каде исто така имаше придонес во работата на Сојузот.
Опелото и погребот се извршија денес на 19 февруари во Светоделските гробишта.
