Пелистер – Беласица 3:1 (2:0)
Екипата на Пелистер полека влегува во ритамот кој го посакува тренерот Дарко Крстески и неговите соработници, а секако и фудбалерие, а на сите со единствена цел, Прва лига.
Второлигашот Пелистер во четвртиот контролен натпревар славеше победа од 3:1, а посебно радува што љубителите на фудбалот кој беа на стадионот под Тумбекафе видоа еден добар Пелистер.
“Пелистерци“ се наметнаа од почетокот на средбата, а по првите 45 минути беше 2:0 со головите на Борче Марковски, кој оваа сезона треба да го оправда епитетот засилување.
Беласица намали на 2:1 со голот на Мартин Мирчевски, а конечните 3:1 ги постави Благојче Љамчевски.
До стартот на второлигашката сезона Пелистер има закажани уште две средби, а против Тиквеш ќе игра на 11 август.
