Утре стартуваат подготовките на кошаркарите на Пелистер, а првата прозивка е закажана за утре попладне, каде староновиот тренер Зоран Тодоровиќ кој има нов договор за една година, и Управата, ќе го кажат списокот на кошаркари кои ќе играат во новата сезона.
Кошаркарите на Пелистер први ги започнуваат подготовките за оваа сезона, а утре ќе го дознаат и планот за подготовки.
Како нови кошаркари кои ќе бидат во тимот на Пелистер оваа сезона ќе бидат Зеќири, Цветковски и Казарновски, а предвидени се и уште две засилувања кои веројатно ќе дојдат од странство, а се однесуваат на позициите плејмејкер и крило.
Од ланската екипа договорите до сега ги продолжија Мико Голубовиќ, Борјан Обедниковски, Михајло Арсовски и Гоце Атанасовски, како и младинецот Ангел Лазаревски, а дали ќе има некој друг ќе видиме утре.
“Пелистерци“ оваа сезона, како беше најавено ги зголемија амбициите и цел ќе им биде место во Суперлигата меѓу шесте најдобри екипи.
