Press "Enter" to skip to content

Трета тројка, годинава, во болницата “Плодност“

Во текот на вчерашниот ден, во специјалната гинеколошко акушерска болница “Плоднос“ се породија тројки од програмата на ИВФ. Породувањето е завршено со царски рез во 35. гестациска недела, а породени се две машки и едно женско бебе.Породувањето го направи дежурната екипа д-р Марија Христовска и д-р Христијан Трпчевски, неонатолог д-р Маргарита Камбовска, анестезиологот д-р Трајан Ивановски и дежурните медицински сестри од повеќе оддели во болницата.-Ова е трета тројка годинава. Една пациентка од Струга се породи пред два месеци на ГАК во Скопје, а другата од Кочани во “Систина“. Во овој момент има мајка која носи тројка и бебињата во 21 гестациска недела, вели д-р Христијан Трпчевски.

Во однос на самата ИВФ постапка, кај мајките се вратени по два ембриони. Во два случаи, едниот од нив се подели на два еднојајчани.-Процентот на тројки изнесува 3 промили, односно 3% на 1.000 новородени кај пациенти кои се оплодени со ИВФ постапка. Сега истиот процент е намален на 1,3%, будејќи враќаме само два ембриони, со цел да се избегнат компликациите кои може да ги даде повеќесложната бременост, потврдува прим. д-р Таше Трпчевски, шеф на одделот за хумана репродукција и сопственик на приватната болница “Плодност“ Битола, не пропуштајќи на гордите родители кои се од Охрид и добија тројка,во име на тимот на ИВФ и целиот персонал да им посака среќно и успешно родителство.

Mission News Theme by Compete Themes.