Почна детската програма на 40. ИФФК “Браќа Манаки“ (фото)

На Интернационалниот фестивал на филмската камера „Браќа Манаки“ и оваа година има сегмент посветен на најмладата публика во рамките на Јуниор програмата.На првиот ден децата имаа можност да ја проследат проекцијата на филмот „Дива вештерка“ на режисерот Каспар Мунк, а на проекцијата присуствуваа ученици од основните училишта „Св. Климент Охридски“ и „Стив Наумов“.По проекцијата, во соработка со “Битолска Млекара“ и игротеката “Чудесна земја“, беше организирана детската работилница „Нацртај го својот омилен цртан јунак“, каде децата можеа да ги изразат своите креативни идеи за омилените филмски и телевизиски јунаци.