Сопствениците на десетината, а можеби и повеќе автомобили на струја во нашиот град, сега покрај тоа што ќе користат паркинг кај спортската сала, истовремено ќе можат и да полнат акумулаторите на автомобилите, на станицата на која е поставен полначот.
На паркингот кај спортската сала, на станицата истовремено ќе можат да се “полнат“ две возила, а системот за полнење е веќе во функција.
Полначот е дел од проектот на “ЕВН Македонија“ со наслов “Електомобилност со ЕВН“ чија што крајна цел е поширока адаптација на електромобилноста во Македонија, а досега има поставено четириесетте полначи на територијата на целата држава.
За поставување на оваа станица одлука донесе и Советот на општина Битола.
