Press "Enter" to skip to content

Костадин Поповски, командирот на ТППЕ – Битола: намален бројот на пожари во однос на лани

Командирот на ТППЕ од Битола Костадин Поповски, на денот на пожарникарите направи споредба на бројот на пожари кои се случиле на територијата на Општина Битола од 1 јануари во однос на истиот период од ланската година, како и за пожарите на отворено.

-Од почетокот на годината до 20-ти мај ТППЕ од Битола интервенирала 240 пати. Споредбено со минатата година со овај период од годината бројот на пожари е доста намален. Интересно е тоа што мината година во месец март беа актуелни пожарите на отворен простор, во овај момент тие пожари се минорни, а битолската територијална противпожарна едицина е една од ретките која располага со специјализирани возила за шумски пожари, а упати и апел до оние кои се движат и престојуваат на отворен терен во врска во шумските пожари:

-Палењето на оган на отворен простор е кривично дело.Минималната казна затвор е три години. Јас апелирам како што досега ги немавме пожарите на отворен простор, а тоа е благодарение на намаленото движење низ полето, јас се надевам дека и оваа година ќе продолжиме по тој терк, свеста и советста ќе се зголемат, а и последните две три години покажа дека го немаме тој интензитет на пожари како што тоа беше порано.