Press "Enter" to skip to content

Божидар Мојсов и Елмир Граџан по поразот од Татран Прешов

Еурофарм Пелистер денес се враќа во Битола откако вчера беше поразен на гостувањето од  Татран Прешов кој најде начин како да му се реваншира за поразот во Битола. Битолчани и на овој натпревар беа предводени од Божидар Мојсов, а младиот тренер по натпреварот на официјалната прес конференција рече:

Денес бевме малку несреќни во некои ситуации, а екипата на Татран Прешов не победи. Без разлика на поразот, имам чувство дека го дадовме максимумот. Татран во вториот дел го покажа својот квалитет и карактер. Нам ни преостанува последниот натпревар во групата против ППД Загреб.

Елмир Граџан вели дека верува дека од овој натпревар се наѕираат знаци за излез од негативниот период и додава:

-Честитки за екипата на Татран Прешов за победата. Натпреварот беше навистина добар, мислам дека и ние бевме добар противник од самиот почеток. Имавме тежок пат, многу натпревари и овој пораз е последица на сите тие фактори. Но, по поразите во Европската лига и од Вардар, мислам дека игравме наша игра, наш систем и се враќаме на прав пат.