Екипата на Пелистер после победата над Вардар во Битола, минатиот викенд, со нови три бода се најде во “златна средина“ на прволигашката табела, но ако не продолжи со добрите игри и секако со резултати ќе се најде во ситуација која може да биде компликувани за безбедно завршување на сезоната.
Денес продолжува борбата за бодови, а Пелистер во 26. коло гостува денес во Скопје, кај Работнички. Тренерот на Пелистер, Димитар Капинковски од Битола, пред заминување за Скопје, верува дека екипата ќе ја задржи добрата форма и атмосфера по успехот во вечното дерби.
-Годи победата во “вечното дерби“ против Вардар и после таков триумф, атмосферата е позитивна. Но, ние со секој ривал, без разлика дали се викал Вардар или Работнички, мора да се надигрување и да играме на победа, за да ги оствариме нашите амбиции – опстанок во лигата, по можност да го избегнеме и баражот. Работнички е многу квалитетна екипа, клуб со долга традиција и очекувам тврд и неизвесен натпревар. Одиме да се надигрување, да се обидеме да постигнеме гол повеќе за позитивен резултат.
И фудбалерот на Пелистер, Алдаир Нето, интернационалец од Ангола, со оптимизам гледа на гостувањето на битолчани на Арената “Тодор Проески“, каде веќе еднаш загубија од Работнички со 1:0, во ноември минатата година.
-Мислам дека имаме добри шанси на натпреварот против Работнички. Добро трениравме оваа недела и верувам дека сè ќе биде во најдобар ред. Самодовербата по натпревар против Вардар е поголема. Мислам дека ако продолжиме со ваква работа, со истите идеи на тренерот, секогаш може подобро и подобро.
