Во рамките на “Недела на современ јапонски филм“ проекции и во Битола

Вчера вечер во малата сала на Центарот за култура во Битола со проекција на филмот “Покажи ми го патот до станицата“ и во Битола започна “Неделата на современ јапонски филм“ со кој филм беше претходно и стартот на фестивалот и во Скопје.  Неделата на јапонскиот филм во Битола ја отворија Канако Теруи – аташето за култура од Јапонската Амбасада и Маја Андоновска – Илиевски – директор на Центарот за култура во Битола.-Со аташето за култура од Јапонската Амбасада, Канако Теруи имавме можност да оставариме средба , да поразговараме за идни заеднички соработки и по трет пат да реализираме ревија на јапонски филмови во заедничка соработка на Центарот за култура Битола и Јапонската амбасада со наслов “Недела на современ јапонски филм“.  Филмот како амбасадот до нас ја доближува јапонската култура, вредности и богата традиција и барем на неколку часа можеме да отпатуваме во некои нови светови, рече Андоновска-Илиевски, на отворањето на ревијата на филмови.Денес ќе биде прикажан и вториот филм од ревијата со наслов “Ресторан од небото“, а поради ковид мерките, местата се ограничени и задолжително е носење на заштитна маска за време на проекциите.