Press "Enter" to skip to content

Одржан научно-стручен собир во организација на МНД Битола (фотогалерија)

Македонското научно друштво-Битола, во НУУБ “Св. Климент Охридски“ во Битола меѓународниот ден на науката го одбележа со организација на Научно-стручен собир на тема „Влијанието на пандемијата врз науката- искуства и примери на професионални предизвици во општеството “.Во свечениот дел од собирот пригодно обраќање имаше претседателката на МНД Битола, проф. д-р Невена Груевска, кој ја поздрави учесниците и гостите на конференцијата и ги образложи мотивите за организирање на Конференцијата. -Меѓународниот ден на науката како научно друштво, го одбележуваме со Научно-стручен собир на тема „Влијанието на пандемијата врз науката, искуства и примери на професионални предизвици во општеството“. Темата во денешно време е многу актуелна со оглед на состојбите во кои живееме предизвикани од пандемијата. Тоа што беа презентирани 17 трудови од 28 автори, зборува за актуелноста на темата.Поздравни обраќања имаа и проф. д-р Игор Неделковски, проректор за наука на Универзитетот „Св.Климент Охридски“-Битола, и проф. д-р Цветко Смилевски, основач на “Бизнис академија Смилевски“.Учество во пленарниот дел имаа Др. Билјана Гагачовска, специјалист психијатар со свое излагање на тема : „Зачувување на менталното здравје“.Своја презентација имаше и д-р Гордана Балтовска, член на МНД – Битола, како и член на Управен одбор на Стопанска банка А.Д Битола со свое излагање на тема “Предизвиците од COVID кризата  Професионални предизвици во банкарството“.На овој Научно – стручен собир беа пријавени 17 трудови, односно 28 автори и неколку од трудовите беа презентирани од страна на дел авторите на самиот настан.Трудовите ќе бидат објавени во новиот број на списанието „Прилози“  кое се издава еднаш годишно, разработувајќи одредена тематика.

More from ВестиMore posts in Вести »