Press "Enter" to skip to content

“Рицерски крст – Орден за заслуги на Р. Полска“ од претедателот на Полска, за Марија Малгожата Мачковска

Марија Малгожата Мачковска од Битола, вработена во НУУБ„ Св. Климент Охридски“ – Битола ја доби престижната награда „Рицерски крст – Орден за заслуги на Р. Полска“ од претседателот на Полска Анджеј Дуда.

Оваа престижна награда се доделува уште од 1923 година на лица кои и дале заслуга на државата или на граѓаните со извршување на дела што го надминуваат опсегот на нивните вообичаени должности, кои носат значителна корист за државата или граѓаните, јавна посветеност и добротворни цели.

-Секогаш ме исполнува со гордост кога слушам дека моите сонародници придонесуваат за градење на просперитетот на другите земји, за нивниот развој, рече претседателот на Полска Анджеј Дуда.

Малгожата Мачковска е претседател на огранокот на Друштво за македонско – полско пријателство и соработка „Висла“. Таа е креатор, организaтор на традиционалниот концерт „Шопенова вечер“ кој се одржува веќе 28 години во општина Битола со соработка со Државно музичко училиште – Битола и Амбасада на Р. Полска во Скопје, организатор на разни културни манифестации, популаризатор на полската култура во нашата држава, како и иницијатор на културна соработка помеѓу двете држави.