Пелистер – Вардар 0:0, 3:2 на пенали
Екипата на Пелистер денес во Битола ја победи екипата на Вардар и се пласира во полуфиналето по изведувањето на пеналите, откако натпреварот заврши без голови во регулатниот дел.
Во вечното дерби на македонскиот фудбал победи со 3:2, по пенал-серијата, а херој на екипата од Битола беше голманот Филип Трајчевски, кој со две пантерски одбрани донесе голема радост.
Вардарци по само 40 секунди имаа голема можност да поведат во Битола, а така беше и неколку минути подоцна. Потоа Пелистер ја презеде иницијативата, а првата посериозна закана на битолчани ја имаше Драгарски. Следна шанса за “пелистерци“ ја имаше Здравевски, а за крај е шансата на Наумовски кога одбрани Трајчевски.
Во вториот дел двете екипи тргнаа порезервирано, но внимателноста и тешкиот терен не го донесоа победникот. Во пенал-рулетот, домашниот голман Трајчевски имаше блескав настап, затоа што ги одбрани ударите во четвртата и петтата серија на Глишиќ и Блажевски и го одведе својот тим во полуфиналето.
