Пелистер Волеј потпиша нови договори со целиот тим за сигурна иднина (фото)

Во новите клубски простории на Пелистер Волеј беа потпишани договори со речиси сите одбојкарки на тимот, а потпис за прв пат ставија и младинките. Екипата на одбојкарскиот клуб Пелистер Волеј благодарение на генералниот спонзор и поддржувач, гигантот “CERMAT“ ја зацврсти својата екипа на сите позиции на подолг рок, а покрај што се потпиша договор со засилувањето од Србија, потпишаа и сите останатите одбојкарки, што ќе значи сигурна иднина на клубот за определен период. -Пелистер Волеј оваа сезона доведе едно засилување од Србија, примачот Ана Ивановиќ, а во план се и нови засилувања со кои ќе се бориме во остатокот од сезоната во пролетниот дел. Потписите ги заверија техничаркита и капитен Михаела Цветановска, коректорката Ивана Белокозовска, примачот Стефани Најдановска, средниот блокер Меланија Каралиоска, како и либерото Андреа Стојановска, рече Александар Темелковски, претседател на Пелистер Волеј.Претседателот Темелковски се осврна и на тие кои за прв пат потпишаа договори и додаде:-За прв пат на подолг рок падна договор за соработка со младата коректорка Анастасија Ристевска, техничарка Билјана Јаковлевска, примачите Василикија Наумоска и Ирина Трајковска, либерата Ана Ицковска и Викторија Наловска, како и со средните блокери Сандра Дамчева и Христина Трајчевска.Од Пелистер Волеј истакнаа задоволство што во тимот, межу девојките е повратникот од Данска е младата Ева Трпеновска која повторно работи со нашата екипа, а секако тука се и најискусните Ана Марија Шехи и Теодора Андоновска.Средбата со новинарите при потпишувањето на договорите преседателот Темелковски ја искористи приликата да им искажат благодарност за првиот дел од сезоната на нивните поддржувачи.