Press "Enter" to skip to content

Ангела Ристевска од “Стив Наумов“ победник на конкурсот “Со маските научивме да се смееме со очите“

Во просториите на НУУБ„ Св. Климент Охридски“- Битола е поставена изложба на ликовните творби испратени на конкурсот на тема „Со маските научивме да се смееме со очите“ во организација на “Inner Wheel Club-Bitola“ и Друштвото на ликовни уметници на Битола.Во присуство на наградените млади уметници, нивните наставници и дел од нашите членки беа доделени и наградите во три категории. Честитки за наградените и многу успех и во идни проекти.Во првата категорија за ученици од VI и VII одделение награди добија: 1 награда за Ангела Ристевска од ОУ „Стив Наумов“, 2 награда за Ема Петровска од ОУ „ Тодор Ангелевски“ и 3 награда за Ивана Волкановска од ОУ “Тодор Ангелевски“ (подрачно училиште во Горно Оризари).Во втората категорија за ученици од VIII и IX одделение награди добија: 1 награда за Ива Ѓоргиева од ОУ „Стив Наумов“-Битола, 2 награда за Наталија Павловска од ОУ „Гоце Делчев“- Битола и 3 награда за Ана Ангелевска од ОУ „Стив Наумов“- Битола.НУУБ „Св. Климент Охридски“- Битола исто така награди 10 ликовни творби со едногодишна бесплатна членарина. Наградите им ги додели директорот м-р Бојан Стефановски на учениците: Јана Танчевска од ОУ „Климент Охридски“, Евгенија Наумовска од ОУ „Елпида Караманди“, Јана Темелковска од ОУ „Тодор Ангелевски“, Сара Димитрова од ОУ „Трифун Пановски“, Јана Митевска од ОУ „ Стив Наумов“, Јана Драгишка од ОУ „Стив Наумов“, Ебру Селимовска ОУ „Тодор Ангелевски“, Марија Ризовска ОУ „Трифун Пановски“, Ивана Јовановска ОУ „Тодор Ангелевски“ и Јана Ристевска ОУ „Елпида Караманди“.