Press "Enter" to skip to content

Делегации на Општина Битола, ВМРО-ДПМНЕ и Левица положија цвеќе пред спомен куќата на Гоце Делчев

По повод 150 години од раѓањето на великанот на македонското револуционерно дело, делегација од Општина Битола, предводена од заменик градоначалникот Бојан Бојкоски, придружуван од советниците Ѓорѓи Ѓорѓиевски и Петар Николовски, положи свежо цвеќе пред Спомен куќата на Гоце Делчев во Битола. Спомен музејот, говори за големото значење на Гоце Делчев, како и за времето кое овој револуционер го поминал во Битола во 1901 година, осветлувајќи ја борбата за национално и социјално ослободување, притоа, засилувајќи го револуционерното движење и револуционерниот дух помеѓу масите во округот.Делегација на ОК ВМРО-ДПМНЕ Битола, предводена од Претседателот Пеце Милевски и членот на ИК и пратеник од Битола д-р Олга Лозановска, УМС, УЖ и ветерани денеска одбележуваме 150 години од раѓањето на големиот македонски деец Гоце Делчев.-Можам да кажам дека целото ова одбележување на раѓањето на македонскиот син, кое треба да биде голем празник во државата и во сите градови, во сите населени места, се чувствува некако како усрамено, од страна на централните власти, но нашата обврска е како почитувачи на ликот и делото секогаш тоа достојно го правиме, во рамките на нашите можности. Се надеваме дека ќе дојде време кога луѓето сите заедно храбро ќе застанеме и исправиме пред она што ни го оставил како наследство, Македонска независна држава, почитувана и државата, но почитуван и неговиот лик и дело, изјави претседателот на ОК ВМРО ДПМНЕ Битола, Пеце Милевски.По повод 150 годишнината од раѓањето на Македонскиот револуционер и национален херој, Гоце Делчев, ЛО Левица – Битола положи свежо цвеќе пред спомен музејот на Гоце Делчев.-Во ноември 1901 година, Гоце Делчев престојувал во Битола. На раководителите од Битола и битолско, исцрпно им ја осветлил борбата за национално и социјално ослободување, како и против врховизмот. Со тоа придонел да се засили револуционерното движење и револуционерниот дух помеѓу масите во округот, рекоа од Левица.

More from ВестиMore posts in Вести »