Викендот во Сараево, БиХ се одржа Меѓународниот натпревар во кикбокс “GRAND PRIX BIH“ на кој учествуваа 567 натпреварувачи од 13 земји. На ова големо натпреварување учество зеде и Леа Бошевска од Клубот за кикбокс Самурај од Битола.
Бошевска се натпреваруваше во сениорска конкуренција во дисциплината Кик лајт – 50 килограми. 
Во финалната борба Бошевскатесно загуби од искусната босанска репрезентативка Адна Хоџиќ, освојувајќи го сребрениот медал.
Ни претстојат уште многу вакви турнири во периодот што следува и затоа ќе продолжам да тренирам понапорно, ни изјави Бошевска, а тренерите Тони Бошевски и Гордана Цветковска Бошевска, задоволни од настапот на Леа Бошевска, ни кажаа дека ќе следат многу престижни турнири, како за Леа, така и за останатите натпреварувачки од КБК САМУРАЈ.
