Сојузот на спортови на Битола денес во салата на Народниот театар во Битола ќе ја одржи по 57. пат манифестацијата “Избор на спортист на Битола“.
На манифестацијата ќе бидат доделени награди на најдобрите 10 спортисти на Битола во сениорска конкуренција, најдобрите екипи во сениорска конкуренција. Ќе бидат доделени награди на млади спортисти, младински екипи.
Сојузот ќе додели и посебни признанија на спортисти, професори по физичко воспитување, здруженија и компании кои помогнале во развој на спортот во Битола, како и плакети за животно дело на спортски ветерани.
