Press "Enter" to skip to content

Започна изградбата на новиот старски дом “Св. Пантелејмон“ во касарната (фотогалерија)

На просторот кај старата касарна во Битола, под Тумбекафе, вчера на свечен начин со ставање на камен темелник започна изградбата на новиот старски дом “Св. Пантелејмон“, а за брзо ќе започне изградбата на вториот старски дом. Инвеститори на оваа инвестиција се компаниите “Премиум пиво“ и “Атик инвест“ од Битола.Александар Талевски на свеченото започнување на изградбата на старскиот дом рече:-Подготовките за изградба на новите старски домови се започнати поодамна, некаде во 2014 година, а во тој период беа изготвени проектите, обезбедена локација, подготвена документација и проекти, а денес ја започнуваме изградбата на старскиот дом “Св. Пантелејмон“. За брзо ќе започне изградбата и на вториот старски дом, а заедно во двата старски дома ќе има 160 легла. Заедно со новиот старски дом кој веќе е во завршна фаза во Битола на друг инвеститор, ќе има вкупно 260 легла, што сметам дека ќе бидат доволни капацитети за пензионери во идниот период. Инаку, проектот е на инженер Јован Матевски.За тоа што ќе им понуди на идните корисници на новите старски домови Талевски вели:-Старските домови ќе бидат изградени и опремени според правилниците кои ги има изработено министерството за труд и социјала и од тоа нема отстапување. Можам да кажам дека сите соби и целиот простор во старскиот дом ќе бидат опремен со сите најнови светски стандарди за уредување на старските домови. Тука сите најнови технологии ќе бидат имплементирани и ќе им бидат од помош на корисниците, веќе идната година, кога и ќе завршат сите градежни работи, во март-април идната година.Според Талевски покрај за битолчани старските домови ќе бидат “отворени“ и за сите од регионот, за нашите иселеници. Како додава веќе има контакти со наши иселеници кои сакаат тука да бидат нивните родители, а капацитетот ќе можи да одговори на сите барања.Инаку, овие на инвеститори “Премиум пиво“ и “Атик инвест“ од Битола не им е прва инвестиција во касарната, а веќе градат станови.-Во изградба се 260 станови на локација во старата касарна, а ние веќе размислуваме за идната инвестиција. Кај спортската сала во Битола ќе се гради хотелско трговски деловен комплекс на површина од 20.000 метри квадратни на 4 ката, кој по завршување на подготвителните работи, очекуваме да започнеме со градба некаде на есен.

С.Ристевски