По 12 одиграни меѓународни натпревари, 10 во “Д“ групата и еден во четвртфиналето, Еурофарм Пелистер вечерва го заврши својот настап во Европската лига. Вечерва во Битола, во салата “Боро Чурлевски“ ракометарите го одиграа шестиот натпревар, но за жал го загубија од екипата на Нексе од Хрватска.
Натпревар кој ќе остане во ракометната историја на Битола, но ќе остане и во сеќавањето на сите битолчани кои по пандемијата по две години ги наполнија трибините во салата, а секако со тоа следуваше и одличната ракометна атмосфера.
А на трибините обединета Битола, спортисти, политичари, бизнисмени, девојки, жени, “Чкембари“, кошаркари, угостители, од “Ушици“, “Карпош“, Баиро, Нова Битола, полни трибина за полна ракометна душа.
Иако на крај се радуваа гостите кои го прославија пласманот во четврт финалето, а битолската публика со аплауза го испрати Хрватите од салата.
Она што е карактеристично за битолската публика е тоа што по завршувањето остануваат во салата, а овој пат по завршувањето имаше скандирање за Пелистер, навивачите ја испеаја “Ако одам во Битола“, падна некоја солза за поразот…
Но, на крај битолчани од ракометарите побараа титула, а на одлувачкиот натпревар против Вардар веќе најавија невидена атмосфера, која долго ќе се памети, а ќе се слави и титулата која по 16 години се очекува во Битола.
