Вечерва одбојкрскиот клуб Пелистер Волеј од Битола, го промовираше новиот грб – лого на клубот, кој веќе од утре ќе го користат сите клубови, пионерскиот, кадетскиот, младинскиот и сениорскиот.
Од Пелистер Волеј истакнуваат дека новото модерно лого на Пелистер Волеј – Битола, во иднина ќе го користат како официјално лого на клубот, а на авторот, Васко тромбев од Битола, и официјално ќе му се заблагодарат.
-Огромна благодарност до човекот кој е најзаслужен, кој долго време не следел, кој самостојно го изработи и ни го подари со голема љубов ова преубаво лого, инспириран и воден од љубовта кон спортскиот бренд на нашиот град, името на Пелистер. “Ситниците“ се најважниот дел во големата слика од мозаикот на Пелистер Волеј, Благодариме Васко Тромбев, истакнуват од клубот, и искажуваат благодарност од сите членови, управата и навивачите.
