Еурофарм Пелистер – Вардар 1961 23:26 (11:11)
Спортска сала „Боро Чурлевски“ – Битола, гледачи: 4.000
Судии: Ѓорѓи Начевски и Славе Николов.
Еурофарм Пелистер: Секељи, Кизиќ, Ивановски, Ојлески, Мараш 3, Маркоски 2, Маџовски, Кукуловски, Мандалиниќ 3, Радовиќ 1, Танкоски 2, Костески, Божиќ Павлетиќ 2, Граџан 4, Табоада 1, Обрадовиќ 5,
Седмерци: 2/1, исклучувања: 2 минути
Вардар 1961: Ристевски, Томовски, Петров, Стоилов 3, О. Њокас, Моралес 9, Георгиевски 3, Карапалевски, Диало, Савревски, Тото, Талески 6, Дибиров 3, Додиќ 2, Ѓукиќ, Мишевски
Седмерци: 3/2, исклучувања: 2 минути
Ракометарите на Еурофарм Пелистер се поразени дома во 7. коло од плеј-офот на Супер лигата од екипата на Вардар и со овој пораз ја изгубија првата позиција која води до титулата оваа сезона. Атмосферата во салата во Битола беше пеколна, искуството на “вардаци“ беше пресудно и не подлегнаа на пеколот, туку до последната минута играа сконцентрирано на секоја топка.
Натпреварот започна тешко со малку голови, во битолската сала тргна во знакот на цврстата одбрана. Пелистер на стартот имаше и минимално водство, а потоа не искористи напад за два гола предност. “Црвено-црните“ со серија од 0:4 поведоа со три гола разлика, 6:9, 7:10. Пелистерци дадоа три гола со кои целосно се вратија во игра, за 11:11 на полувреме, со голот на Обрадовиќ.
Второто полувреме се играше игра гол за гол. Вардар по грешки на Пелистер дојде до +2, , “пелистерци“ поведоа првпат во вториот дел со 18:17 и имаа одличен резултат. Борко Ристовски, фати пенал и бранеше два удари од девет метри за реми. Во 18. минута од вториот беше 19:20, а Филип Талески зголеми на два разлика. Домаќинот дојде до нерешено 21:21, а потоа и 22:21. Вардар потоа прво израмни, а потоа дојде и до +2. За на крај Вардар да дојде до +3, за конечни 23:26.
Кај “пелистерци“ најефикасен беше Обрадовиќ со 5 гола и Граџан со 4.
