Во организација на Федерацијата на училишни спортови и во техничка организација на Сојузот за училишен спорт од Битола, денес во Битола, во спортската сала на медицинското училиште се одржа Државното првенство во кошарка.
Државното првенство го отвори заменик градоначалникот на Битола, Бојан Бојковски, кој на сите учесници им посака убав престој во Битола и одлични натпревари, а да победи најдобриот.
Михајло Трампевски, претседател на Сојузот на училишни спортови од Битола, рече дека во завршниот турнир играа три екипи, по принцип “секој со секого“, а по три натпревари победник на турнирот е екипата на ОУ “Кирил и Методиј“ од Битола.
Екипата од Битола ја победија екипата на ОУ “Петар Поп Арсов“ од Скопје со резултат 50:47, а во вториот натревар ја победија и екипата на “Крсте Мисирков“ од Куманово со резултат 36:31.
