На светскиот шампионат на Светската Федерација за боречки Вештини (WFMA) во Сер – Грција учество зеде Академијата за боречки вештини и спортови За Нет До –Златко Неделковски со 4 натпреварувачи кои освоија 8 медали и светски титули во конкуренција од над 3.000 натпреварувачи.
Давид Јошевски – 13 години ; категорија -58 кг – освои златен и сребрен медал во дисциплините Лајт контакт и Лоу кик за спортисти до 13 години; Бобан Гарабиљевиќ – 14 години – категорија -60 кг, со освоени златен и сребрен медал во дисциплините Лајт контакт и Лоу кик за спортисти до 14 години; Илче Филкоски – 17 години во категорија -50 кг со освоени златен и бронзен медал во дисциплините Лајт контакт и Лоу кик за спортисти до 17 години и Мартин Колоски – 20 години ; категорија -70 кг со освоени две златни медали во
дисциплините Лајт контакт и Лоу кик за спортисти над 20 години.
Пред почетокот на Светскиот Шампионат Претседателот на WFMA господинот Томас Смиарис оддаде почит на големиот учител на боречките вештини и спортови Златко Неделковски кој почина 2020 година а кој беше еден од основачите и на оваа Светска федерација.
