Со потпишување на Меморандум за соработка помеѓу Меѓународна колонија „Де Ниро“ и Културно информативен центар Битола, започна свеченото отворање на Меѓународна колонија „Де Ниро“.На овој свечен чин, кој се случи во Културен центар „Де Ниро“ во село Цапари, потпишувачи беа познатиот ликовен уметник Панде Петровски, кординатор на колонијата и директорката на Културно информативен центар Битола, Лили Бошевска.
Присутните ги поздравија: почесниот член на колонијата, познатиот уметник Сергеј Андреевски кој и подари уметничка слика на колонијата, како и членот на советот на колонијата Владо Ѓорески кој во оваа прилика истакна дека уметноста ќе го спаси светот.
Уметничка слика за посебен придонес кон Меѓународна колонија „Де Ниро“ низ годините, им беше подарена на познатото битолско семејство Димитровски. Сликата ја врачи, Марко Мано Филевски, дел од организацијата на колонијата.
На свеченото отворање, присутните ја погледнаа промоцијата на видеото на Кети Талевска за мозаикот на Мирослав Масин, изложбата на делата од минатогодишната колонија, уживаа во музички перформанси и други содржини.
Во наредните денови во рамките на колонијата ќе бидат реализирани следниве настани: „Ден на уметноста“, во чест на Благоја Стефановски-Баге, еден од бардовите на македонската култура што ќе се реализира на една посебно избрана локација – мало село Ротино; Поетско-ликовен настан, промоција на книгата „НАДВОР ОД ВРЕМЕТО“ на Лили Бошевска со песни инспирирани од делата на светски познатиот уметник Виктор Мануел Хернандез Кастиљо од Мексико, кој е гостин на промоцијата со своја изложба, во Палата на културата- Офицерски.
Оваа година на колонијата учествуваат ликовни уметници од Хрватска, Виетнам, Мексико, Естонија, Романија, Кина, Србија, Бугарија и Македонија. Во рамките на колонијата, се одржува и школата за млади уметници.

Свечено отворeна Меѓународна колонија “Де Ниро“-Битола, во Цапари (фотогалерија)
More from ВестиMore posts in Вести »
- Завршен настан на проектот “Локален волонтерски сервис Битола“
- Питер Бижу, оскаровец и добитник на “Камера 300“: по снимањето на „Мисисипи гори“, ми беа потребни неколку недели за емотивно да закрепнам
- Отворена изложбата “Со љубов од Битола“ и доделени наградите (фотогалерија)
- Урош Борзаш пред утрешниот натпревар со Кил: Кил е секогаш Кил, не беше лесно по двата порази од Вардар
- Во Битола сончево со мала до умерена облачност
More from КултураMore posts in Култура »
- Питер Бижу, оскаровец и добитник на “Камера 300“: по снимањето на „Мисисипи гори“, ми беа потребни неколку недели за емотивно да закрепнам
- Отворена изложбата “Со љубов од Битола“ и доделени наградите (фотогалерија)
- Австрискиот амбасадор Мартин Памер во посета на Библиотеката
- Паоло Карнера, кинематограферот на филмот „Носталгија“: кинематограферите од соништата прават филмски материјал
- Денес отворање на изложбата и доделување на наградите на фото-изложбата “Со љубов од Битола“