Синоќа на големата сцена “Благој Стефановски Баге“ во Народниот театар – Битола, во рамките на “Бит фест“ гостуваше театарот “Јордан Х. К. Џинот“ од Велес.
Тие пред љубителите на театарот од Битола се претставија со претставата “Четири соби“, според делото на Квентин Тарантино и други автори, режија и адаптација Синиша Евтимов.
Претставата “Четири соби“ е работена според мотиви од сценариото на истоимениот култен филм од 1995 година. Станува збор за четири приказни кои се случуваат во една новогодишна ноќ, сместени во четири различни соби на еден хотел.
Костимографијата и сценографијата: Александар Ношпал, музички соработник: Сашко Костов.
Улогите ги толкуваа: Фаик Мефаилоски, Самоил Стојановски, Маја Љутков, Симона Димковска, Зорица П. Панчиќ, Кети Борисовска, Талија Настова, Жарко Спасовски, Исидор Јовановски, Благојчо Стојанов.
