Младиот македонски фудбалер на Пелистер, Михаил – Мики Талевски, од Битола, роден 2004 година, потпиша договор со екипата на Осиек, Хрватска, со траење од три години. 18-годишниот напаѓач оваа сезона ќе го има првиот интернационален предизвик е презадоволен од остварената соработка со хрватскиот клуб.
-Ова е голем чекор за мене, остварување на моите фудбалски идеи. Ќе настапувам во лига која е силна и расадник на голем број фудбалски таленти. Хрватската репрезентација е финалист на последното светско првенство и мислам дека многу ќе напредувам во мојот нов клуб, изјави Талевски.
Младиот репрезентативец Талевски, играше за Пелистер, а во хрватското првенство се сели веднаш.
