Еурофарм Пелистер – Саудиска Арабија 28:22
Екипата на Еурофарм Пелистер од Битола, во Скопје, во малата сала при СЦ “Јане Сандански“, одигра пријателски натпревар со репрезентацијата на Саудоска Арабија во кој победи со резултат 28:22, полувреме 13:11. Тренерот на “пелистерцу“ Ларс Валтер испитуваше сили, комбинираше со составот, им даваше шанса на младите и неколку играчи од вториот тим, а шанса за деби имаше и Себастијан Хененберг. Не настапија македонските репрезентативци и Мирко Радовиќ, кој играше за црногорската репрезентација во евро-квалификациите.
“Пелистерци“ се наметнаа уште од стартот, чекореа сигурно и водеа, па на полувреме заминаа со предност од 13:11. И во вториот дел Еурофарм Пелистер диктираше темпо, не дозволуваше гостинот да дојде до егал и рутински чекореше кон победата. Во финишот на натпреварот битолчани се одлепија и победија со високи шест гола на своето конто.
Битолчани се припремаат за премиерниот настап во Европската лига на ЕХФ, во вторник, на 25 октомври во „Боро Чурлевски“ против Архус.
