Во Битола на 81 годишна возраст, вчера, почина м-р Вангел Гагачев, поранешен директор на ЗИК “Пелагонија“ од Битола.
Гагачев бил роден во Егејска Македонија, во село Буф, Грција, а се школувал во Битола и Скопје, а магистерскиот труд го одбранил во Србија, во Нови Сад.
Својата раководна професионална кариера во ЗИК “Пелагонија“ ја започна како помошник на генералниот директор, а во 1988 година е назначен за генерален директор на ЗИК “Пелагонија“, а на таа функција остана се до пензионирањето во 2009 година.
Гагачев покрај раководењето во ЗИК “Пелагонија“ извршувал и други општествени функции, а бил и добитник на награди и признанија, како Државната награда “11 Октомври”, награда на Стопанската комора на Македонија, наградата “4-ти Ноември” на град Битола и други.
