Денес со натпеварот во Битола, во спортската сала “Боро Чурлевски“ кошаркарите на Пелистер го отвораат пролетниот дел од оваа кошаркарска сезона, а противник во првото пролетно коло ќе биде екипата на Гостивар.
“Пелистерци“ имаа напорните подготовки во Битола, кои започнаа на 3 јануари, а за денешниот натпревар кошаркарот Иван Сапунџиев вели дека се подготвени да возвратат за тој пораз од пред пет месеци.
-Трениравме напорно во претходните две недели. Очекуваме победа на оваа средба и на еден начин да му вратиме на противникот за поразот во првото коло на стартот на годинашната сезона, кога не поразија во Гостивар. Атмосферата во екипата е одлична, имаме нов кошаркар Маслинко кок одлично се вклопи во тимот и сигурно ќе ни биде од голема помош во предизвиците кои што ни следуваат. Спремни се за овој дуел и за прва пролетна победа во Битола.
Средбата меѓу Пелистер и Гостивар е со почеток од 18:30 часот. Потоа “пелистерци“ заминуваат на нов АБА2 балон и во Бања Лука ќе се сретнат со Спарс и Сутјеска.
