Страшна вест простриу во Битола, понеделникот наутро на 28 јануари 2013 година, посебно за љубителите на планината и оние кои беа редовни гости, дека во пожар изгоре планинарскиот дом “Копанки“ на Пелистер, започна со своите сеќавања Димче Миновски, хроничар на Битола и доајен на битолското новинарство.
Пожарот во домот “Копанки“ бил после полноќ и го пеплоса домот, и покрај сите напори на присутните тоа да го спречат, но залудно, на жалост на сите кои барам еднаш биле таму и на оние кои секоја недела или друг ден престојуваа таму. За среќа во несреќата немаше повредени или загинати лица, а само неколку мина имаа благо труење од вдишување чад.
Но, секако дека тоа им падна тоа и на сите битолчани, бидејќи изгубија едно нивно култно место на Пелистер, од каде битолчани имаа понесено огромни спомени и доживеано одлични моменти.
Инаку, “Копанки“ располагаше со околу 100 кревети во кои имаа преноќевано планинари од цел свет, а беше изграден пред 80-тина години, односно, според некои иснформации пред Втората Светска војна.
И по 10 години откако изгоре до темел, а од него останаа само ѕидовите, нема реконструкција на домот “Копанки“ поради административни препреки, а често е споменуван со политичките препукувања на политичките партии.
