Пред завршниот турнир на Купот на Македонија во кошарка, кој започнува утре во Скопје и ќе трае до недела, кошаркарите од КК Пелистер АД Битола, ја посетија општината, каде имаа средба со градоначалникот Тони Коњановски. На средбата се разговараше за високите резултати кои ги бележи клубот од Битола како второрангиран во првата кошаркарска лига со што е многу блиску до лидерска екипа во првенството.Градоначалникот Коњановски, честитајќи им на кошаркарите за досегашните резултати им посака многу успех на Купот на Македонија „БЛАГОЈА ГЕОРГОЕВСКИ – БУШТУР“ 2023, каде првиот кошаркарски натпревар во четвртфиналето, екипата на Пелистер ќе го одигра утре во 17:00 часот, против Еуро Никел 2005 од Кавадарци.
-Ви посакувам победи и високи резултати, кои ќе бидат радост, но и гордост за сите нас како битолчани, затоа што на спортска Битола, навистина и доликуваат високи достигнувања во професионалниот спорт, што истовремено е дополнителен мотив и за младите генерации, спортски да се развиваат и да напредуваат. СРЕЌНО!, нагласи градоначалникот на крајот од средбата со кошаркарите од КК Пелистер АД Битола.

Кошаркарите пред Купот на кафе кај градоначалникот
More from ВестиMore posts in Вести »
- Лена Акерлунд претседател на фондацијата “Stiftelsen Brodet“ (Фондација на лебот) со нова донација во Битола (фотогалерија)
- Бектеши во посета на млечната индустрија: Бимилк е една од општествено одговорните компании која ги намали цените и пред одлуката на Владата
- Кафе средба на премиерот Ковачевски со партиските другари во Битола (фото)
- Градоначалникот Коњановски и жителите на повеќе населени места за патот Битола – Меџитлија, побарано зголеменото присуство на полицијата
- Работилница на Жан-Мари Дружу: многу од сцените во „Нотр дам гори“ се снимени во студио