СВР Битола: приведено лице барано по потерница, кривични за “Водовод“ и в.д. директорот за изградба на подземна инсталација, затекнати 13 малолетници во угостителски објекти

На 17.02.2023 во 22.10 часот на ул. “Караорман“ во Битола, полициски службеници од криминалистичката полиција при СВР Битола го лишиле од слобода 38 годишник од Битола. Тој бил баран по централна и меѓународна потерница за издржување на затворска казна. Лицето било спроведено во Казнено-поправната установа Затвор Битола за издржување на казната.

Секторот за внатрешни работи Битола до Основното јавно обвинителство Битола, поднесе кривична пријава против Јавното комунално претпријатие „Водовод“ – Битола и против 39 годишно лице од Битола, в.д. директор на претпријатието, поради постоење основи на сомнение за сторено кривично дело „бесправно градење“, казниво по член 244 од Кривичниот законик. Второпријавениот, во текот на април и мај 2022, без да изготви соодветна документација и проект и без одобрение за градба, дозволил изградба на подземна инсталација на место каде претходно не постоела.

На 17/18.02.2023 година во времето од 23.00 до 04.00 часот полициски службеници од криминалистичката полиција при СВР Битола и ПС ОН спроведоа акциска контрола на повеќе локации и објекти во Битола лоцирани на ул. “Широк Сокак“ на ул. Солунска” и во комплекс „ Пелагонка 2“ во Битола за откривање на присуство на малолетници после 24часот.При акциската контрола во објектите се затекнати 13малолетници.Констатирани се два прекршоци по чл. 21 од ЗППЈРМ. Во кафе бар лоциран во комплекс „Пелагонка 2“ Битола, во изнајмен објект за роденденска забава, затекнати седеца при што истите се алкотестирани во присуство на родители и кај истите е утврдено присуство на алкохол .Со потврда децата се предадени на родителите.