Бутел – Еурофарм Пелистер 2 23:24 (13:9)
Еурофарм Пелистер 2 од Битол ја забележа првата победа во плеј-офот, откако славеше на гостувањето кај Бутел Скопје со 23:24, со голот на Христијан Митревски на неколку секунди до крајот на средбата. “Двојката“, претходно, во првиот дел имаа негатива од -6, но во последните минути гостите успеја да израмнат, па после и првпат да поведат.
Со оваа победа екипата на Еурофарм Пелистер 2 направи чекор напред во битката за европкуповите преку плеј-офот во Супер лигата.
Натпреварот започна со резултатска предност на Бутел, а “пелистерци“ имаа негатива од шест гола (10:4) и со големи проблеми во првото полувреме, за крај со резултат 13:9.
Тимот на Александар Јовиќ се врати во натпреварот. Бутел не успеа да најде одговор за разиграните Павле Петровиќ и Никола Стоилевски. Во финишот беше 22:23, Еурофарм Пелистер имаше напад за плус два но шутот на Петровиќ заврши крај дирекот. Домаќините брзо возвратија за 23:23. Еурофарм Пелистер 2 до победа дојде со гол во последните секунди, преку брз центар и влез на Христијан Митревски.
Кај Еурофарм Пелистер 2 најефикасни Петровиќ и Стоилевски со по 6 гола и Ивановски со 3 гола.
