На 19.10.2023 во село Могила, битолско, полициски службеници од криминалистичката полиција при СВР Битола ги лишиле од слобода четири лица на возраст од 50, 40, 48 и 34 години сите од Могила, поради сомнение дека извршиле шест кривични дела „тешка кражба“, информира портпаролот на СВР Битола, Сања Стаматова.
-При претреси во нивните домови, извршени со судска наредба, биле пронајдени и одземени повеќе предмети за кои постои сомнение дека потекнуваат од кражби извршени во земјоделски комбинат во с.Радобор, општина Могила. Пронајденото било вратено на сопственикот, а лицата биле задржани во Полициската станица Битола. По целосно документирање на случајот, против нив ќе бидат поднесени соодветни кривични пријави, вели Стаматова.
