Бизнис академија Смилевски – БАС, Скопје почетокот на оваа академска година на ПДС, покрај со веќе постоечката програма по СТРАТЕГИСКИ МЕНАЏМЕНТ го започна и со уште една студиска програма СТРАТЕГИСКИ МЕНАЏМЕНТ НА ЧОВЕЧКИ РЕСУРСИ, на двете локации во Скопје и Битола.
На двете студиски програми настава ќе реализираат вкупно 84 студенти СО ШТО Е ИСПОЛНЕТА КВОТАТА на запишани студенти за оваа година на двете студиски програми во Битола и Скопје. 
-Постдипломските студии се период на интензивно учење и истражување. Ние сме тука да ви помогнеме да го развиете вашиот потенцијал и да стекнете нови знаења и вештини. Ние сме горди на нашите професори и ресурси, кои ќе ви помогнат во овој образовен процес. Во следните месеци , ќе работиме заедно како еден тим, за да ги постигнеме вашата образовна и кариерена цел. Отворени сме за дијалог и соработка, и ве покануваме да се ангажирате активно во наставниот процес – беа зборовите на раководителот на вториот циклус на студии на БАС, проф. д-р Гордана Тасевска. 
Како носител на програмата таа ги запозна присутните ( на двете локации ) со современите концепти од оваа област кои ќе им помогнат на студентите на оваа програма да:
-Ги следат промените и трендовите од оваа област и да ги имплементираат во конкретна организација;
-Да бидат во тек со новата технологија и новите производни концепти;
-Да стекнат вештини за создавање на додадена вредност на организацијата преку своите човечки ресурси кои ќе ја обезбедат нејзината конкурентска предност на пазарот;
-Да ги променуваат вредностите со новиот работен и животен стил и сл.
Проф. д-р Лидија Стефановска ја презентираше програмата по СТРАТЕГИСКИ МЕНАЏМЕНТ.
Преку студиската програма по стратегиски менаџмент студентите ќе научат успешно да: планираат, организираат, делегираат и контролираат процеси, активности и луѓе. Покрај ќе ги развијат и своите вештини за: истражување и анализа на пазарот и окружувањето; изработка на деловна стратегија и бизнис план; воспоставување системи на комуникација во организацијата; успешно ги решавање конфликтите; планирање и организирање продажбата; вработување, мотивирање и поставување на вистинските вработени на правото место и сл.
На првиот академски час на присутните им се обрати проф. д-р Цветко Смилевски – еден од основачите на БАС во Битола и проф. д-р Маја Кузмановска – директор на БАС во Скопје, како и сите присутни професори кои ќе реализираат настава во оваа академска година.
