Press "Enter" to skip to content

Бранислав Ангеловски: вечерва во Битола ќе играме против ракометна институција

Денес во Битола, во спортската сала “Боро Чурлевски“ од 18,45 часот, екипата на Еурофарм Пелистер ќе го пречека тимот на Загреб во рамките на 10. коло на Лигата на шампионите, а домаќинот ќе го “брка“ и првиот бод. 

На прес-конференцијата пред натпреварот со загрепчани се обрати тренерот Бранислав Ангеловски. Тој сепак најави дека гостинот е многу квалитетен противник, со млади играчи и потенцијал за иднината.

-Доаѓа една ракометна институција. Ако погледнеме во минатото не треба многу да зборуваме за името на противникот. Сите олимписки и светски шампиони со хрватската репрезентација мораа да поминат низ таа школа. Загреб има одлична млада генерација, која во иднина ќе биде добар тим на ракометните терени. Имаат спој на младост и искуство. Кога зборувам за искуство мислам на Диборов, Чупиќ и Гојун. Тоа се трите стратешки позиции кои ја прават одбраната толку хомогена и густа. Нема да биде лесно да ја разбиеме таа одбрана. Загреб игра константно добро и за мене не е во прашање и нивниот пласман во следниот круг на Лигата на шампионите. Фасцинираат нивните игри, но имаат и маани, на кои ние ќе обрнеме внимание во овие следни два дена и ќе бидеме спремни максимално за нивната игра и во напад и во одбрана, а клубот Згреб додаде:

-Загреб беше магнет за сите млади играчи во Југославија. Ја имав таа среќа, а можеби и привилегија, да бидам дел од Загреб заедно со Лазаров, Марковски, Јовиќ, потоа и Стоилов и Мајнов. Загреб секогаш ги бираше најдобрите таленти од нашите простори. Поминав одлични три сезони во Загреб. Тие сезони ме лансираа да имам уште подобра интернационалионална кариера. Со восхит зборувам и за клубот и за Загреб како град и за Хрватска.

More from ВестиMore posts in Вести »
More from СпортMore posts in Спорт »