-На Унивеззитетот “Св. Климент Охридски“ Битола во првиот уписен рок пријавени се (поднесени документи) 856 кандидати. Ова е зголемување од 30% во однос на лани во услови кога бројот на матуранти во државата е намален за 5%. Тоа значи дека УКЛО реално успеал за ~ 1/3 да го зголеми бројот на пријавени кандидати во првиот уписен рок, вели проф. д-р Игор Неделковски, ректор на УКЛО, и додава:
-Неспорниот квалитет и посветеноста на сите вработени на УКЛО, а посебно нашата интернационализација како прв македонски европски универзитет (член на КОЛОРС европската универзитетска алијанса) се препознаени во јавноста.
-Ги повикувам сите оние матуранти кои сеуште се двоумат или оние студенти кои не се задоволни од нивните сегашни студии, во вториот уписен рок на 13 и 16 септември да се пријават на УКЛО. Ќе студираат дома, а ќе бидат дел од 125.000 студенти на КОЛОРС европската универзитетска алијанса. УКЛО образование „европско, а дома“, вели проф. д-р Игор Неделковски, ректор на УКЛО.
