Горан Исков е назначен за директор на ЕСМ “Молика“ под чија надлежност е и хотелот Молика на Пелистер и неколку летовалишта на комбинатот. Горан Исков доаѓа на местото на Директор на друштво за туризам, угостителство, рекреација и спорт ЕСМ Молика ДООЕЛ Битола (поранешно ЕЛЕМ ТУРС). Исков беше враборен во ЈКП ВОДОВОД Битола во сектор АОП. Неговото работно искуство од 2015 до 2017 година е во министерството за информатичко општество и администрација. Тој е дипломиран информатичар на факултетот за информатика ФИКТ Битола. Исков е и актуелен потпретседател на ОК ВМРО-ДПМНЕ Битола.
Николче Котевски е назначен за директор на ФОД. Од 2015 година вработен во Царинската управа на Македонија, виш цариник во царината во Битола, на Меџитлија и Прилеп. Самостоен советник во секторот за надзор на иматели на одобренија и контролор во инспекциско тело за возила. Беше и советник од ВМРО ДПМНЕ во Советот на Општина Битола од 2009 до 2013 година, а сега е секретар на ОК на ВМРО ДПМНЕ во Битола.
